193風波擾攘多日，佢剛剛喺網店IG出post致歉：「喺度同大家講聲唔好意思。」道歉文中，193強調唔係向該位女事主道歉：「（道歉）原因並唔係因為無禮地回覆首先出言不遜侮辱粉絲嘅『客人』，而係因為事件為社會及各方朋友帶來不便，實屬抱歉。」佢又指網店以後會有專人處理。
風波發生後，193 IG followers 曾經由41萬跌至39萬，流失2萬粉絲，不過網友近日發現其followers數目好似白金升降機咁急速飛升，現時已回升至近41萬，當中更有唔少來自中東嘅followers，更有阿富汗粉絲，因此網友質疑有人買fol。